Lífskjör

Þótt samningar séu í höfn
og sumstaðar fólkið því kátt,
erindi í sjónminjasöfn
sumir gætu þó átt.

„Stolt af ríkisstjórninni“

Frestur

Aðila sem ennþá funda

ekki skortir þrek.

Brátt til undirskrifta skunda,

en skyldi vanta blek?

Ætla sér að skrifa undir kl. 15

Biðin

Nú ber víst eitthvað nýrra við
er nást mun einskonar sátt.
Lífskjarasamnings langri bið
lýkur vonandi brátt.

Ekki heim fyrr en undirritun lýkur

Fuglinn í fjörunni

Hljóta margir háð og spott
er hafa setið eftir.
Auðvitað er aldrei gott
ef auraleysi heftir.

Laun seðlabankastjóra hafa setið eftir

Af Alþingi

Margskyns eru mannanna gen
og misjafnt hverju þeir unna.
Elskar Sigríði Andersen
ekki Þórhildur Sunna.

Ekkert óeðlilegt að ræða dóminn

Dómsmál o.fl.

Var hún í snarheitum valin úr hóp
viturra fríðra og bráðgerra.
Þjóðmálasviðið mun þrífa með sóp
Þórdís (Kolbrún Reykfjörð Gylfadóttir ferðamála- iðnaðar- nýsköpunar og) dómsmálaráðherra.

Þórdís Kolbrún tók við dómsmálunum

Til hliðar

Sterk í anda, stíf og þver
stígur loks til hliðar.
Heilladísin horfin er.
Hnígur sól til viðar.

Dómsmálaráðherra víkur

Oftlega í pólitík skörp eru skil.
Skeleggum ferli nú lýkur
dömu sem ákvað að demba sér til
Dómsmálaráðherravíkur.

Dómsmálaráðherra stígur til hliðar

Jamm

Nú er okkar þreytta þjóð

í þónokkuð mikilli krísu.

Efnistökin ansi góð

eru í þessari vísu!

Dómurinn kom „verulega á óvart“

Dómur

Réttlætið mun frúin fá,
sem fram og aftur teygir það.
Henni ber að hörfa frá.
Helga Vala segir það!

Ríkið brotlegt í Landsréttarmálinu