Það er fyrir mestu - fyrir þau mestu

Vel úr hendi fer þeim flest

sem fitla við eigin skott.

Hæstu launin hækka mest.

Helvíti er það nú gott!

Allt í góðu...

Þótt flestum virðist fátækt kvöl og pína,

fagrar vísur get ég sjálfsagt ort,

því góða fólkið gerir vel við sína

og gætir þess að enginn líði skort.

Vinnuþrælum fögnum við sem flestum.

Í fæði og klæðum gerum vel við þá.

Úr rúmum sínum ganga fyrir gestum

er gamall siður íslendingum hjá.

Allt í graut

Varla öllu þyngri þraut
þyrfti um að raupa
en að borða grjónagraut
sem gæti farið að hlaupa.

Grjónagrauturinn hlaupkenndari en áður

Liverpool

Okkar númer vel nú vöndum,
víst hún Diljá sér um það;
bíspert dansar hún á höndum.
Heldur sjarma - nema hvað?      

Myndskeið: Diljá dansaði á höndum á dreglinum

Í Liverpool

Diljá færist ofar eftir
æfinguna fyrstu.
Enginn máttur hana heftir
né haukana fréttaþyrstu.

Diljá færist ofar eftir fyrstu æfingu

Kristófer á taugum

Finnst honum illa fara enn.
Fremur leiðan sið þá:
Hleypur um og meiðir menn
og með því losnar við þá.

Þolir ekki samkeppni og meiðir menn

Hvessir?

Ýmislegt hér skrítið skeður.
Skökk er heildarmyndin.
Einn af sínum mesta mætti
mígur upp í vindinn.

Fjalla um álitaefni og valkosti vindorkuvera

Ein sex ára

Ef veifað er vænum seðli,

veskin takast á loft.

Skrýtið hvað skítlegt eðli

skýtur upp kolli oft!

 

Fara vel með fé

Reykjavík ég raunar tel
rétt á málin blína:
Passa bara að pússa vel
peningana sína.

Segir Reykjavík fara vel með fé

Hagfræði

Réttlætis gangur í raun og veru
er rölt eitt og lötur,
en leiðir fjármagnsins oftast eru
einstefnugötur.