Árekstrar

Á breiðvangi lífsins er brautin oft hál
og brestir í mannanna háttum.
Ef einn þeirra skýtur þá öðrum er mál,
sem illa mun leyst með sáttum.

Gömul limra

Illt hafði verk að vinna
vesalings litla Ninna,
nakin í nauð.
Nú er hún dauð.
Hún lést við að læra að spinna.

Veðrabrigði

Eltir stormur eigið skott;
endalaus er kraftur.
Veðrið sem hér var svo gott
versnar bráðum aftur.

Frýs aftur víða og dimmum éljagangi spáð

Hamingjuóskir til akureyskra katta

Kisum hjá og kattarskara
kæti tekur völdin;
ósköp gott þeim finnst að fara
frjálsir út á kvöldin.

Var að rósna - rakst á þessar:

Ég bendi á að banvæn pest

byrjar oft með hnerra.

"Ungum er það allra best

að óttast Guð sinn herra."

 

"Þeim mun viskan veitast mest

og virðing aldrei þverra,"

er setja sig á háan hest

og hafna öllu verra.

Frá vísnagerðinni

Fleiri vísur yrki óðar,

ekki í neinu stressi.

Hver einn metur hversu góðar.

Hvernig finnst ykkur þessi?

Þá er það komið

Fyrripartur; fjandi er hann góður.
Fyrir það þökkum við drottni.
Upp af honum vex andlegur gróður,
sem endar með fullkomnum botni.

Fyrirspurn

Til að gleðja - lundu létta

lægri bæði og hærri stétta

vil ég gera vísu hressa.

Var ég búinn að yrkja þessa?

Í ausuna komið

Hversu Gísli Viktor vel
varði, það er málið.
Sannarlega svo ég tel.
Sopið verður kálið!

 

Risasigur Íslands og sæti í milliriðli tryggt

Umslög

Solveig Anna. Hérna hún
hefur frá sér bitið.
Aldrei mun hún umslög brún
augum hafa litið.

Sökuð um að þiggja brún umslög frá SA