Gott

Ljósmæður þá hafa þagnað
og þreyja nú störfunum í.
Nú getur fólkið því fagnað
og framleiðsla hafist á ný.

„Komum vonandi aldrei saman aftur“

Ský

Hvað boða þessi blessuð ský?
Ég botna ekki neitt í því.
Að hugsa um þetta er mér um megn:
Meira regn og aftur regn!

Skammgóður vermir

Börnum og hröfnum að leik

Á Lögbergi helga hrafnar séð
höfðu ei grænjaxla lyngsins,
því flestir voru að fylgjast með
forseta danska þingsins.

Gagnrýnin „fáránleg og til skammar“

Bruðl?

Í rýran ríkissjóðinn
rentur gætu bæst
þegar gjörvöll þjóðin
á Þingvöll skundar næst.

Pia hæstánægð með Íslandsför

Frá samninganefnd ríkisins

Að með hækkun fari flest
til fjandans ber að hræðast.
Það væri kannski bara best
að börnin hættu að fæðast!

Leggja ekki fram nýjar tillögur

Að forðast eins og pestina

Að með sér bæri Pía pest
Píratar höfðu spurt
og Helga Vala hélt það best
að hafa sig þegar burt.

Píratar gerðu engar athugasemdir

Á Þingvöllum

Að votta virðingu og hlýju
vorri ágætu þjóð
drógu þeir danska Píu
með dökka fortíðarslóð.

Dónaskapur að virða ekki embættið

Sjálfa

Þessi er hugsanlega aðeins of snemma á ferðinni:

Hrumur orðinn, hæruskotinn,
heyrn og sjón má laga,
hálfruglaður, heilabrotinn,
hundfúll alla daga.

- en gott að eiga hana til þegar ég verð ekki lengur fær um að yrkja!

Á skal að ósi stemma

Þegar sumarblíðan brást
var boðið upp á næðinga.
Raunalegt. En skyldi ei skást
að skipta um veðurfræðinga?

Mun loks fara að sjást til sólar

Afsakið orðbragðið

Ekki skal ég neitt á nafn

nefna af mínum högum.

En hvílíkt andskotans samansafn

af svona rigningardögum!

Sólin lætur sjá sig á þriðjudag