Umhverfið (Alþingi) er auðlind

Umhverfisbjört er engin tík.
Óþarfi að láta svona,
þótt klæði hún sig í fagra flík
og flögri um eins og kona!

Hélt að Björt hefði beðið um leyfi

Prump

Þegar hann Donni að lokum er lens
sem líkast til mun verða bráðum,
tilbúinn verður til prófunar Pense,
og Priebus er með í ráðum.

Undirbýr Pence að taka við af Trump?

Vegur á blæðingum

Fallegt veður. Færðin góð,
fyrir utan þetta:
Úr vegi seytlar bikfeitt blóð
sem bílar ná að sletta.

Töluverðar blæðingar í Norðurárdal

Úrslit skoðanakönnunar (fréttaskýring)

Ekki mun Benedikt Engeyjarson
allskostar ríma við samtíð,
og Björt á sér tæplega viðreisnar von
því Viðreisn á enga framtíð.

Stærri en BF og Viðreisn

Þjóðráð

Best á fjármálin Bensi kann.
Birtist hér ýmis gróði.
Nú mætti fá sér nábrók hann,
sem nýttist þá ríkissjóði.

Fólk sækir í nábrækurnar

Gróandi

Allmargt á okkar fallegu fold
mun fróðlegt að rannsaka betur;
finna má krúttlega kannabismold
og kannski ræktunarsetur.

Kannabismoldin á borði lögreglu

Illgresi

Illar plöntur rænir ró
Reykjavíkurhreppur,
brytjar niður Bjarnarkló,
en borgarstjórinn sleppur.

Baráttan við bjarnarklóna

Hökt

Núna mætti syngja sálm
Silicon í véum;
bræðir sífellt meiri málm
- með hléum.

Viðgerðum ekki lokið

Gullleit

Varla ég svo sem við því býst
að verði menn ríkir af þessu standi.
Aftur á móti veit ég víst
að víða er gull á Norðurlandi.

Fá leyfi til gull- og koparleitar

Vonbrigði

Einsog það hefði nú orðið gaman
og ábyggilega mesta vitið.
Hagar og Lyfja hætta saman.
Helvítis samkeppniseftirlitið!

Hafnar samruna Haga og Lyfju