Hitamál II

Veldur hver vel á heldur

á vaktinni lon og don:

Eldurinn var ekki eldur

hjá United Silicon.

Hitamál

United er orkurík,
eldklár í sínu fagi,
en hitinn er í Helguvík
heldur í meira lagi.

Eldur í kísilverinu í Helguvík

Við mælum með...

Alltaf má draga út á gólf
eina sem dansað getur.
Þær eru góðar þessar tólf,
þær má auglýsa betur!

Heitustu einhleypu konur landsins

Fjáraustur

Auglýsing vínbúðar athygli vekur,
enda tilgangur skýr,
og aumingja ráðherrann eftir því tekur
að hún er býsna dýr!

Benedikt gagnrýnir fjáraustur ÁTVR

Gáfnaskortur skáta

Að naga hraungrjót og teyga tjöru
er tabú og ekki þekkt.
Að ramba í sjóinn við Reynisfjöru
er raunar jafnheimskulegt.

Skátar í sjóinn við Reynisfjöru

Vaki vaki vinur minn

Sjást hér þessi sjónarmið
sem ég var að heyra:
Ekki er gott að vakna við
að vera enn að keyra!

Ók sofandi inn á leikskólalóð

Shit

Seinna mun hér saurinn lita
sjávardýpið þrítugt.
En næst þá láta Veitur vita
ef vatnið gerist skítugt.

Neyðarlúgan lokuð í allan dag

Bónarvegur

Spítalinn hann er á hnjánum,
hrópar og biður fjár.
Ráðamenn tipla á tánum
til þess að leynast skár.

„Landspítalinn er á hnjánum“

Skipulagsleikur

Ekki er þetta ódýrt grín.
Eignin var þeim kær.
Ákaft skammast ætti sín
Akureyrarbær.

„Þetta er búið held ég“

Biluð hreinsistöð

Víst er mengun þessi þekkt
en þó ei tjón.
Samt er þetta leiðinlegt
og ljótt í sjón.

Engin hætta en ógeðfellt fyrir fólk