Hvessir?

Ýmislegt hér skrítið skeður.
Skökk er heildarmyndin.
Einn af sínum mesta mætti
mígur upp í vindinn.

Fjalla um álitaefni og valkosti vindorkuvera

Ein sex ára

Ef veifað er vænum seðli,

veskin takast á loft.

Skrýtið hvað skítlegt eðli

skýtur upp kolli oft!

 

Fara vel með fé

Reykjavík ég raunar tel
rétt á málin blína:
Passa bara að pússa vel
peningana sína.

Segir Reykjavík fara vel með fé

Hagfræði

Réttlætis gangur í raun og veru
er rölt eitt og lötur,
en leiðir fjármagnsins oftast eru
einstefnugötur.

Oft var þörf...

Þörf er á við þetta ræðum.
Það skal í flýti reynt.
Deitað skal á dvalarstæðum.
Dásamlegt alveg hreint!

Hvílustæði í staðinn fyrir bílastæði

Flutningur héraðsskjalasafna

Á milli fyrri og okkar alda

er að myndast gloppa.

Því mun lítil þekking valda.

Þetta verður að stoppa!

Ort fyrir 9 árum.

Þær reyna allt sitt besta þótt þær heldur séu hrumar,
hamingjan og gæfan, tvær sem úti eru á labbinu.
Þó gefi eftir atvikum sem gleðilegast sumar
gaurinn uppi á himninum sem stjórnar öllu klabbinu!

Silfurmoli

Alltaf er lífið í borginni best;

batnandi hagur.

Í umræðu Silfursins fegraði flest

fallegur Dagur.

Ekki þjófar

Vagni sínum þau velja stað
á vegi guðs misvel förnum,
en stefnan er ekki að stunda það
að stela fermingarbörnum.

Hafna því að hafa „stolið“ fermingarbörnum

Nýji drykkurinn

Margir hann bergja brosandi
sem berjast við skítalyktina.
Hann er svo hægðalosandi;
hefur áhrif á þykktina.

Hægðalosandi aukaverkanir á nýjum drykk