Ekkert fréttablað

Deila margir djúpri sorg.
Döpur er hún Lilja.
Beygðan huga ber á torg.
Bráðum leiðir skilja.

Segir brotthvarf Fréttablaðsins sorglegt

Kæri Jón

Á ríkissjóð er rekstrarhalli.
Ruggum ekki bátnum.
Vitanlega verjum falli
vini okkar státnum.

Vantrauststillagan felld á Alþingi

Ekkert droll!

Umsagnir og allskyns pot
er að nálgast þrot.
Afgreiða þær eins og skot!
Annað væri brot.

Spyr hvort meirihlutinn muni standa með ráðherra

Myndskeið af markinu

Á Dalvík var Höttur í harkinu.
Honum gekk vel í þjarkinu.
Ástrali mynd tók af markinu;
meistaralegu sparkinu.

Náði óvart myndskeiði af markinu

Ómerking?

Höndla Palli Villa vill
vonsku Kjarnamanna.
Staða hans er heldur ill.
Hamingjan sanna!

Páll sekur um meiðandi ummæli gegn Kjarnamönnum

Vöxtur vaxta

Raun er flestum rex og pex.
Ráð er oft að þegja.
Margt er það sem vex og vex;
vextir meira að segja!

Óverðtryggt lán hefur tvöfaldast

Náttúran vaknar

Úr vísnasafninu mínu

Nú eru margir sem náttúru hlýða.
Nota má hverskonar orð milli vina.
Karlar í þorpinu röggsamir ríða
rauðsprettunet fyrir vorvertíðina.

7,5%

Verðbólgan er vondur siður.

Varla fer hún leynt.

Óskum þess hún náist niður.

Nú skal það víst reynt.

„Algjört forgangsmál að ná verðbólgu niður“

Áfram veginn

Nú í morgun komst á kreik
kunnuglegur texti:
Hugdjörf áfram höldum leik;
hækkum stýrivexti!

„Við getum ekki beðið eftir neinum öðrum“

Baklandið

Á milli sælu og sorgar
svífur um gengið valt.
Stígur í baklandi borgar
borgar sig þúsundfalt.

Stígur í baklandi borgar