Umframfé

Akkúrat þessi þanki
þrýstir á huga minn:
Ó, væri ég bara banki,
bættist mér hagurinn.

Greiðir tugi milljarða til hluthafa

Heim að sofa?

Sportbíll eflaust för mun fegra.
Finnst mér þó að sinni
að húsbíl væri heppilegra
að hafa í geimferðinni.

Sportbíll Musks stefnir á Mars

Bíltúr

Við öllu hinu besta býst
ef bíll fer út í geim,
þótt ekki sé það alveg víst
hann aftur komi heim.

Teslu skotið út í geim (í beinni)

Stjórnmálaskýring

Forsætisráðherra aumur sér á
Andersen liggjandi í fletinu;
líkar það betur en leys´ana frá
að lof ´enni að sprikla í netinu.

Sigríður vildi birta gögnin