Um myrkur og ljós

Dagsbirtunnar dvínar styrkur.
Dökkleitt húmið fellur á.
Nú er úti niðamyrkur.
Nú er hvergi ljós að sjá....

Lífs er götu labba ég
og leiðin öll í skugga
þá er gott að vísi veg
vinaljós í glugga.

Athugasemdir

[Sigrún Jóna (IP-tala skráð) 10.11.2009 kl. 14:41]

Satt segirðu Hallmundur. Og þegar skyggja tók á kvöldin í haust þá setti ég fallegan lampa í gluggann. og á honum er kveikt meðan ég er vakandi.

Bara núna í ljósi andlegrar líðan almennings.

en í húsinu á móti mér, hefur verið skreytt jólaskeytingar núna á annan mánuð. Í annarri íbúðinni er það alveg viðráðanleg sjón, en hinni eru uppí glugga upplýstir jólasveinar, frá því í byrjun október.

Er þetta nú ekki um of. fyrr ná nú reyna að kæta geð nágrannanna, en þetta.

[Hallmundur Kristinsson, 10.11.2009 kl. 15:47]

Ég er alveg sammála þér um það, Sigrún, að ekki ætti að teygja um of á jólaskreytingum. En auðvitað þurfa ekki allar ljósaskreytingar endilega að tengjast jólunum í sjálfu sér.