Borð fyrir Báru

Hún búttaða Bára frá Hvammi
borðaði töluvert nammi.
Þótt tæki hún sig á
var tæpast að sjá
að tapaði hún einasta grammi.

Athugasemdir

[Ben.Ax. (Benedikt Jóhannes Axelsson), 21.6.2009 kl. 01:19]

Takk. Sendi limru sem fer hugsanlega út og suður.

Sjómaður helvíti haltur,

hökti um á brauðfótum valtur.

Var étinn af hundi,

og hundurinn stundi

því karlinn var seigur og saltur.

 

[Ben.Ax. (Benedikt Jóhannes Axelsson), 21.6.2009 kl. 01:23]

Þar sem þetta tókst svona vel sendi ég þér aðra limru um stúlkur sem sátu á bryggjupolla í Vestmannaeyjum og dorguðu.

Þær langaði í lostafull kynni

með Lárusi, Jóni eða Finni.

Það gekk ekki greitt.

Þær gátu ekkert veitt

því þær sátu á beitunni sinni.

 

[Hallmundur Kristinsson, 21.6.2009 kl. 12:27]

Limrur mega gjarnan fara út og suður