Snilli

Eftirfarandi vísa er ekki um eigin snilli, heldur er hún ort fyrir langa löngu, þegar Sveinn Ásgeirsson var með útvarpsþátt, þar sem fram komu snillingarnir sem hann kallaði svo. Ég man ekki almennilega hverjir þeir voru, en minnir að það hafi verið Helgi Sæm., Thorolf Smith, Hendrik Ottóson og Guðmundur Sigurðsson. Endilega leiðréttið ef þetta er rangt munað.

Hér má illa seggi sjá,
sem í villu ráfa.
Slæmur kvilli þjáir þá;
Það er snilligáfa.