Gagnrýni

Í KEA er fundin smá flensa.
Forráðamennirnir lensa.
Hannes og Halldór má skensa
að hætti skörungsins Bensa.

Fyrrum formaður gagnrýnir KEA

Athugasemdir

[Benjamín Baldursson (IP-tala skráð) 8.3.2008 kl. 23:27]

Sæll Hallmundur. Takk fyrir vísuna, hún er góð. Ég var á fundinum og hlustaði á Benedikt.

Var honum sammála , mér finnst Hannes og Halldór vilja breyta félaginu úr samvinnufélagi í hreint fjárfestingarfélag.   Styrkirnir sem félagið veitir hinum ýmsu málefnum hafa verið skornir niður ár frá ári, þrátt fyrir góða afkomu félagsins, sem sem var hér um bil 1 milljarður á árinu 2007. Auðvitað kemur þessi góða afkoma ekki af sjálfu sér og fá þeir Hannes og Halldór prik fyrir að halda rétt á spilunum hvað það varðar. Kveðja, Benjamín.  

[Benjamín Baldursson (IP-tala skráð) 9.3.2008 kl. 00:08]

Benedikt var býsna reiður

barði þó ekki í ræðustólinn.

Skörungurinn beinn og breiður

böggaði árans stjórnarfólin.

Kv. B.B.

[Hallmundur Kristinsson, 9.3.2008 kl. 09:57]

Takk, Benjamín, fyrir tilskrifin. Gott að fá viðbrögð frá eihverjum sem var á staðnum. Ég orti vísuna eins og álfur útúr hól með von um að hún yrði ekki  mjög fjarri raunveruleikanum efnislega!! 

[Benedikt Sigurðarson, 9.3.2008 kl. 16:32]

Kannski réttast þeir sem vilja segja eitthvað efnislegt hafi aðgang að sögðum orðum;  ræðan í heild er komin á vefinn www.bensi.is og slóðin

Oft er gaman skætingi og skensi

ég skrifa þótt aðrir lensi.

Alls konar mein

mun arðsemin ein,

alls ekki lækna: Bensi

[Hallmundur Kristinsson, 9.3.2008 kl. 18:07]

Takk, Bensi, fyrir vísuna og ræðuslóðina. Ég er, hugsaðu þér, búinn að lesa alla ræðuna. Ég held að vísan mín fái staðist, en alveg væri  í ræðunni efni efni í  fleiri vísur.  Ég læt þó trúlega þessa einu nægja að sinni.