Vegrið

Fyrir fáum vikum átti ég leið um Öxnadalsheiði. Var þá búið að hleypa umferð á töluverðan hluta nýja vegarkaflans. Það var búið að reka niður staura fyrir vegrið og leist mér  skínandi vel á það.

En svo átti ég leið þarna um aftur núna um helgina og þá varð ég fyrir vonbrigðum. Í staðinn fyrir alvöru vegrið, svona báraða járnleiðara, var búið að strengja vírkaðla á milli stauranna, líkt og er á milli akstursstefnu á veginum um Hellisheiði og mótorhjólamönnum er afar illa við. Ég get ekki með nokkru móti ímyndað mér annað en illa fari ef bílar rekast á þetta víravirki á einhverri ferð. Vonandi er þetta bara til bráðabirgða. Það væri gaman að vita hvort einhverjar rannsóknir og tilraunir liggja að baki þessari hönnun.