Engar kjarabætur

 

Æskan horfin er á braut,
ellimarka kenni.
Ég er eins og jólaskraut,
ég er gamalmenni.

 

Löngum reynist lífið staut.
Lágt ég bogann spenni.
Ég er eins og jólaskraut,
ég er gamalmenni.

 

Eðalkjara aldrei naut,
eyði þó og spenni.
Ég er eins og jólaskraut,
ég er gamalmenni.

 

Að eiga salt í grjónagraut
er gott ef elda nenni.
Ég er eins og jólaskraut,
ég er gamalmenni.

 

Hvernig mér er búin braut
blint í sjóinn renni.
Ég er eins og jólaskraut,
ég er gamalmenni.