Já, svona gengur það

Er lyganna vefur sem hangandi henglar
á herðunum situr og rökhyggju brenglar,
þá eru fengnir til frelsandi englar:
Færustu ráðgjafar - almannatenglar.

Athugasemdir

[Jón Valur Jensson, 17.3.2015 kl. 04:13]

Þessi er verulega góð, listileg líka í fremur sjaldgæfu rími og samt fellur allt svo eðlilega saman, ekkert gervilegt eða þvingað.

Bezt að reyna ekki stælingar né neitt sem misskilja mætti sem viðleitni til að fara út í mannjöfnuð á þessu sviði eða réttara sagt "vísnajöfnuð" - vísnakeppni. Hins vegar má maður vonandi gera að gamni sínu:

• Hans Gunnars Braga varð bréf

• brátt um, því "já", "en" og "ef"

• þá slógust um skilninginn skatna.

• En skondið! en skyldi þeim batna

• eftir sitt endalaust þref,

• þingmönnum með og á móti?

• (og með telst enn Össur hinn ljóti ...

• og greppur með hjartað úr grjóti,

• ísköldum steini úr iðrum jarðar),

• og ekki´ eru heitingar verstu sparðar;

• samt við sig þingið sem sagt!

• en sjaldan sagt orðið þar spakt!