Katrín Jakobsdóttir

Hefur oft af miklum mætti
margt eitt stríðið háð verra
en líta á hvort leyfa ætti
lausagöngu ráðherra.

Sigurður Ingi

Málin eru í flýti flest
færð á milli vina.
Er þá ekki bara best
að bæta innviðina?

Þórdís Kolbrún

Utan ríkis ætla má
að hún verkum sinni,
eflaust líka eitthvað smá
innan landsins vinni.

Lilja Alfreðsdóttir

Vildi áfram menntamál.
Mun þó hafa gaman.
Glöð í lundu - hún er hál
og hlær að öllu saman.

Komi sterkari út úr heimsfaraldrinum

Jón Gunnarsson

Næst fékk dómsmál Nonni Gunn,
Núna sumir þögðu.
Settur þar á góðan grunn
sem góðar kvinnur lögðu.

Bjarni Ben

Er ég lengur ekki get
unnið hér í næði
mun ég færa mig um set
ef meira á því græði.

Kemur til greina að færa sig um ráðuneyti

Svandís Svavarsdóttir

Ég um það hef grænan grun
þótt gróði sé hvergi skráður;
sækja í matvælin mun
meira heldur en áður.

Sér sóknarfæri í matvælunum

Ásmundur Einar

Leggur sig fram af lífi og sál
svo ljósið engum dyljist.
Bæta vill hann barnamál
svo betur öllum skiljist.

Mikil tækifæri í ráðuneyti sem er ekki til

Willum Þór

Willum þór með vandfýsi
vel er búinn nesti:
Síma má í Svandísi
sjái hann heilsubresti.

Svandís segir Willum alltaf geta „hringt í vin“

Guðlaugur Þór

Guðlaugur glögglega skynjar
að gott er í málum að atast
og ófáar menningarminjar
mega hreint ekki glatast.

Menningarminjar fara til Guðlaugs