Þriðja tilraun til að gera almennilega jólavísu

Svo mætti nefna að nú eru jólin
og nokkuð liðið á vetur.
Um þetta leitið sé ég að sólin
sést alltaf betur og betur.

Hátíð

Margir okkar þekkja það
þessa jóladaga;
hátíðleikinn læðist að
og lendir oní maga.

Rímið ræður

Mér er það fullkomlega ljóst að þetta er ekki sérstaklega jólalegur kveðskapur, en ekki gat ég neitt að því gert að mér datt þetta í hug einmitt núna:

Ýmsa þjaka lífsins lægðir,
ljóst er það.
Rímsins vegna hef ég hægðir
í hæða stað.