4,2

Veltir lítil þúfa þungu
þykkildi er alda rís.
Skjálfti er í Bjarnabungu.
Bráðum kannski gýs!

Skjálfti 4,2 að stærð í Bárðarbungu

Hálfnað verk þá ...

Þrátt fyrir allskyns bölvað baks,
Bjarna má ekki smætta,
en kannski sniðugt að leita lags
og lofa honum bara að hætta!

Bjarni bjartsýnn en „í miðju verki“

Og eftirspurn

Girnast ýmsir góðan stól.
Gulli víst er mættur.
Ef nú rennur upp hans sól,
er ég sko bara hættur!

Bjarni hættur nái Guðlaugur kjöri

Framboð

Gjarnan hafa um Guðlaug spurt,
gæddir tryggðarböndum,
þeir sem vilja Bjarna burt.
Bera hann sér á höndum.

Guðlaugur Þór býður Bjarna birginn

Bardagar

Berjast um stæði og greiða gjald.
Gott að við málið ræðum.
Um er að ræða eignarhald
einskis á bílastæðum.

Berjast um stæðin og greiða gjald

Spáð í spil

Ef í flokknum reynist einhver rotinn,
ráðlegt mundi að veita einu gaum:
Þótt Guðlaugur hér gangi öklabrotinn,
gæti hann kannski höndlað stjórnartaum?

Guðlaugur Þór kom seint á fund

Íhlutun

Orti ég um veðrið eitthvert vorið,
sem virtist koma á himnafeðga hik:
-Haldið áfram þessu ef þið þorið!
Þá loks náði sólin sér á strik.

Um veðrið

Ort um veðrið eitthvert vorið fyrir áratugum síðan.

Því er líkt og það sé ennþá vet­ur.
Þannig virðist himna­feðga plott.
Ég held þeir ættu að hugsa þetta bet­ur,
hér er veðrið ekki nógu gott.

Ég sam­band við þá hafði að mín­um hætti,
í himna­ríki sendi tölvu­póst,
skrifaði að veðrið það mér þætti
þjösna­legra en við ég áður bjóst.

Ans­ar þessu svo minn hái herra,
hugs­ar málið tölu­verða stund:
„Trúðu mér, það gæti verið verra,
viltu ekki bara éta hund!“

 

Gamall og nýr ágreiningur hestamanna og landeigenda:

Skvera þyrfti upp skiltum nokkuð víða.

Skrifa það á áberandi stað

hvar má ríða og hvar má ekki ríða.

Hvernig væri best að orða það?

Oft er satt logið

Margur er heimskari en hyggur.
Horfir á frægðarstól.
Satt oft í lautu liggur
þá lygin er komin á ról.