Ekki er ráð nema...

Svo fullgilt traust megi tryggja
og til þess að kyrrt fái að liggja
það sem er búið að byggja
best reynist fyrirhyggja.

Reksturinn ekki í uppnámi

Úbbs

Þetta er býsna bagalegt
á bárum ruslið flýtur.
Þetta er alveg agalegt;
óhreinsaður skítur!

„Þetta er mjög bagalegt“

Tekjur

Laðast að mér líkt og mý.
Leynast hvergi þyrnar.
Nú er bara að ná sér í
níutíu milljónirnar.

 

Fengu 90 milljónir í bónus á mann

Allt í lagi

Engra skyldi gremjast geð;
gagn er lítt að slíku,
enda næstum allar með
eðlilega píku.

„Er ég með óeðlilega píku?“

Silikon

Eflaust mengar eitthvað smá,
er það þó að vonum,
ef það fjölgar eitthvað þá
United silikonum.

Japanskir menn finna ástina í silíkoni

Kjararáð

Útdeila fé á báða bóga
og borga þá alltaf mest
öllum þeim sem eiga nóga
andskotans peninga!

 

Telur hækkunina vanhugsaða

Forrskriftin

Kjararáðs er kjörið starf
- kröftugt allavega:
Hækka það sem hækka þarf
helst mjög rausnarlega.

Kjararáðs er reglan best:
Ríkra köku stækka.
Hátt skal ávallt hækka mest.
Hitt má alveg lækka.

Ríkisforstjórar fá milljónagreiðslur

Hví ekki?

Miðað við þarfir mannsins fjáðs
sem máttur launanna hefur styrkt
kalla ég nú til kjararáðs
um kauphækkun - líka afturvirkt!

Hækka laun embættismanna afturvirkt

Höfuðprýði

Kveð ég nú um merkan mann:
Margir fast að honum sóttu;
Með gaspri sínu gerðu hann
gráhærðan á einni nóttu.

Hlutarins eðli

Undan skatti engu nærð,

ekki vísað er á link,

ef þú pening aldrei færð

utan pínulítið klink.

Skammlífi fallegi peningaseðillinn