JBH

Ýmsum verður oft til tjóns

óðalssetrið reisulegt.

Andsvar Guðna er til Jóns

eitthvað heldur peysulegt.

Hugleiðingar hermannsins

Lengi skal löndin efla.

Lýðinn að sjálfsögðu með.

Nú skal tekið að tefla;

til þess þarf fjölmörg peð.

 

Á voldugum valdastólum

vandalar sitja enn.

Óhikað tefla fram tólum

til þess að drepa menn.

 

Auðvitað ætti að banna

almættis stjórnin blíð

að líf mitt sé leikfang manna

sem langar að fara í stríð.

 

Hún Katrín

Atburði var útvarpað í beinni,
almennan það vakti mikinn fögnuð:
Katrín faug á orku rafmagns einni,
enda lengi talin vera mögnuð.

Katrín flaug á rafmagninu einu

Hægt að gera betur

Misjafnlega er mönnum rótt.
Margra breytist hagur.
Enda verður alltaf nótt
ef ekki er lengur dagur.

„Góðir félagar, ég og Dagur“

Leikur að rími

Útbreiddust eitraðir þörungar.
Öllum þótti víst  miður.
Vonandi að skeleggir skörungar
skeri þá alla niður.

Telja eitraða þörunga að baki fiskadauða

Kulnun elda

Oftast málin eru snúin.
Illt að missa af gróða.
Ekki verða alltaf flúin
endalok hins góða.

Allt sem gott við áttum saman
orðið þreytt og lúið.
Nú er úti næturgaman.
Nú er gosið búið.

Gosinu gæti hafa lokið í morgunsárið

"Spítalinn er auðvitað ekki í neinu þroti“

Að sjálfsögðu súrt er í broti,
en svarið um Lansann er að
auðvitað er hann í þroti
en ekki má tala um það.

Endurvekur "hetjumóðurina“ í von um að fjölga Rússum

Breyta nú skulum við mysu í mjólk.
Mjölið við gerum úr hýðinu.
Nú biðja vil  þjóð mína að framleiða fólk;
það farast svo margir í stríðinu.

Hætta fyrir skáld og hagyrðinga

Nú er gott að luma á lausnum
sem leysa mál og styrkja:
Ef við viljum halda hausnum
hættum við að yrkja!

Brjóstmynd af þekktu skáldi stolið

Fréttamatur

Í Morgunblaði seisei sei
sá ég áðan klausu
um þann flotta Andra Frey;
að hann væri á lausu!

Andri Freyr Viðarsson á lausu