Hlustað með hægra eyra

Hjáróma raddirnar þessar ég þekki.
Þetta eru vinstri flokkar,
vesalingar, sem virða ekki
vel þekktu lögmálin okkar.

Þarf að undirgangast viðurkennd hagfræðilögmál

Æ,æ

Fyrr en oss varir er fjármagnið búið.
Það finnst mér auðvitað leitt;
ekki er á hungursneyðina snúið.
Snauðir fá ekki neitt.

Snúin staða sem kemur ekki á óvart

Hraun

Flugvallarmálið kom við kaun.
Komið er á blað:
Hví ekki að nota Hvassahraun?
Hvað er slæmt við það?

Á góðum stað þeir vilja völl.
Þar verðug rísi ferðahöll,
en um það vita varla baun
hvort velli  þar upp meira hraun!

Ekki megi dæma Reykjanesið úr leik

Mistök

Ekki verður óskasvið
alltaf kosið.
Illa passar veðrið við
vinsælt gosið.

 

Um tíu bjargað úr Meradölum

Dagur og Einar segja flugvöll í Hvassahrauni ekki úr myndinni

Flugvallarmálið kom við kaun.
Komið er á blað.
Hví ekki að nota Hvassahraun?
Hvað er slæmt við það?

Hvorki gleypt né keypt

Út af minni fátækt fæ
fyrir þessu ei nurlað.
Eignast þetta aldrei næ,
en útsýnið er sturlað!

Eitt sturlaðasta útsýni sem sögur fara af

Hver fær hvað?

Oft er sagt að alltaf mest
okkar hækki launin.
Samt við raunar sjáum flest
að sú er ekki raunin.

Takmarkað svigrúm til launahækkana

Hagsæld

Hættum að troða í oss trosinu.

Túrismans beislum gand.

Hægt er að græða á gosinu.

Gjöfult er okkar land.

„Nike er ekki alltaf svarið“

Afturbatagos

Færast yfir fögur bros.
Frétta verður krafist.
Mikið var nú gott að gos
gat loks aftur hafist.

Eldgos hafið á Reykjanesskaga

Gerfigos

Fagradals má ætla að
öllum þyki fjallið lekkert.
Gróðureldar goss í stað
gæti verið betra en ekkert!

Myndskeið: Sjáðu eldana í Geldingadölum í nótt