Skatturinn þarf húsaskjól

Stórhýsin rísa hlið við hlið;
hafa sum gert menn ríka.
Ört þýtur höllin upp á við.
Efalaust skatturinn líka.

Höfuðstöðvar Skattsins „þjóta“ upp

Hugkvæmni - Hagkvæmni

Landinn fær sér lokur þær
sem Litháarnir smyrja.
Hagnaðurinn hreinn og tær,
hann er rétt að byrja!

Smurðar samlokur fluttar alla leið frá Litháen

Á salerninu

Mikið var sá maður lúinn.
Meðvitundin rofnaði.
En hvort var hann alveg búinn
áður en hann sofnaði?

Sofnaði á salerni og missti af flugi

Vísir í vinnslu

Umræða dagsins dökkleit er.
Degi er heitt í sinni.
Atburðarásin eftir fer
uppskrift úr Verbúðinni!

„Eins og sena úr Verbúðinni“

Annað sjónarhorn

Þó að hann málið vart þekki
á því mun  Bjarni ei gata,
enda þá hefur hann ekki
áhyggjur, líkt og Kata.

Hefur ekki sömu áhyggjur og Katrín

Engan tíma missa

Ég held það væri best fyrir bæði

að byrja á eitt og tvö,

af því að þessi örvandi svæði

eru 27!

 

 

27 kynörvandi staðir líkamans

Viðreisn

Vinstri græna varla skilja.
Vífillengjurnar
nægja ekki og nú þau vilja
nákvæmara svar.

Svar Katrínar valdi verulegum vonbrigðum

Ledljós

Krabbadýrin fúsir fiska,
finna marga skel.
Ráð til að ná í risadiska
reynist bara vel.

Vinsældir „risadiska-diskós“ ótvíræðar

Fjármálalæsi

Mæld er upphæð af mikilli rausn.
Minnkuð aðeins til vara.
Er það í fjármálum alhliða lusn
ellilífeyri að spara.

Alhliða lausn fyrir fjármálin

Boris

Um hann víst sagður er allskonar hroði.

Álfarnir sleppa út úr hólnum.

Svo hangir hann eins og hundur á roði

á helvítis ráðherrastólnum!

Hættir sem leiðtogi Íhaldsflokksins í dag