Staðsetning finnst ekki

Þetta svæði byggja ból
bandittar og þjófar,
dusilmenni, fífl og fól,
fantar og verstu bófar.

Location not found       Staðsetning finnst ekki.

Hagnaður

Nú birtist víða vottur
viðskipta ferðamanna:
veggjalús, rusl og rottur
raungildi þeirra sanna.

Veggjalýs og rottugangur með fjölgun ferðamanna

Aðferðafræði

Kúrekastelpan og Kjöltustaðan,
kannski Skeiðin og Hundurinn lati.
Í hugmyndum ágætum héðan og þaðan
Hálfur trúboði stendur á gati.

Kynlífsstellingar sem bæta endinguna

Rétt netfang

Fautar þeir sem fíla hrekki
fara margs á mis,
sem að nota sjálfir ekki
simnet.is.

85-95% netárása með samþykki notenda

Alt uppi á borðum

Launakjörin opin öllum.

Allt er sett á blað.

Stæði nærri stórum köllum!

Stefna mættu á það.

Launakjörin opin öllum

Þetta er auðvitað bilun

Sjaldan er gagn að galdri,
þótt gjarnan sé eitthvað reynt.
Oft það bitnar á Baldri;
bilunum varla leynt.

Þurfi bráðabirgðalausn fyrir næsta vetur

Íbúðaleit

Kanínurnar kjósa sér
að kaupa eða leigja.
Hvort þá heldur ekki er
alveg gott að segja.

Kanínurnar í Elliðaárdal leita sér að nýju heimili

Fasteignavernd?

Ekki í rauninni þetta ég þekki.
Það er sko merkilegt nokk.
Erlendir kúnnar þeir kannski fá ekki
að kaupa sér íbúð í blokk.

„Þú mátt samt ekki kaupa þér íbúð í blokk“

Næsta verkefni?

Biðin hún var býsna löng.
Beggja vega
virðist þurfa varagöng,
virkilega.

Hvalfjarðagöngum lokað vegna umferðaóhapps

Byr ræður för

Efalaust kominn nú er hann í lag.
Úthald er batnað og kraftur.
Baldur hann siglir víst síðar í dag
og síðan aftur og aftur.

Baldur siglir síðar í dag