Öldrunarheimili

Ekki er að sjá að af undrun menn gapi,

enda mun dagljóst og skýrt

að öldrunarrekstur er ávallt með tapi,

þótt ekki sé hráefnið dýrt.

Vorveðrið

Þræsingurinn þekktur er.

Þá í álinn syrtir.

Verðir tímans virðast mér

veruleikafirrtir.

Heimsmálin

Ég hef ekkert vit svo heitið geti

á heimsmálum (mætti segja um fleiri),

en trúi bara eins og nýju neti

næstum því öllu sem ég heyri!

Brynjar

Ýmiskonar sjónarmið má sætta.

Sættast má við ofurlitla bið.

Brynjar kannski hættir við að hætta:

Hættan á því blasir okkur við!

Andlaus nótt

Mjög að loknum morgunverði
mikið þess ég saknaði
að ég vísu enga gerði
áður en ég vaknaði!

- - -

Löngum hef ég leitast við

að lána fé svo ekkert skorti.

Að gera vel við gamalt lið

er gjörsamlega út úr korti!

Það er nú það

Getur oft á steinum steytt.

Stöðugt margir rausa,

þótt vissulega varla neitt

viti í sína hausa.

Umvöndun

Vindur fer úr fréttunum

og frasar verða bitlausir

hjá þeim sem tala alltaf um

hve aðrir séu vitlausir!

Já einmitt

Vini okkar vil ég hrósa.

Vond er ruslakista.

Flestir þeir sem fáir kjósa

færu vel á lista.

Það skal tekið fram að þetta á eingöngu við um þann lista sem umræddur vinur vildi sitja.

„Ég kveð stjórnmálin sáttur“

Hirðuleysi?

Stundum ég hálfilla hirði

um hugsanlegt efni í ljóð,

enda er það varla þess virði

ef vísan er ekki góð.