Með böggum Hildar

Margt eitt þarf að meta og vega.
Málin þekkir Einar.
Víst er að hann vissulega
veit hvað Hildur meinar.

Sjálfstæðismenn biðla til Framsóknar

Borgarstjórn

Að stjórna í borginni þung er þraut.
Þarf til þess réttan flokk.
Þétta skal meir við Miklubraut
svo megi hún komast í stokk.

Framsókn geti kallað fram breytingar í bandalaginu

Ég skal

Í meirihluta ég ætla inn

þótt erfitt reynist að mynd´ann.

Það er víst fráleitt í fyrsta sinn

sem fatlaður leiðir blindan.

 

Þröng staða og stutt í patt í Reykjavíkurborg

Lok lok og læs ég löngum vildi

Lokað fyrir Hildi!

Viðreisn lokar á samstarf við Sjálfstæðisflokkinn

Í baksýnisspeglinum

Karlarnir bjóða konum heim
sem kunnar eru af festu.
En langi menn að lyfta þeim,
liturinn skiptir mestu.

Sigurður Ingi vill upphefja konur

290 strik

Í kosningunum var það mesta mildi
að mönnum tókst að kjósa eins og skyldi.
Og einhverjum það lífi gaf víst gildi
að geta loksins strikað yfir Hildi!

Oftast strikað yfir Hildi

Dagur

Hérna birtist lítið ljóð;
lækið ef þið brosið:
Dagsins runnu djásnin góð
daginn sem var kosið.

Dagur ekki enn hringt til baka

Heimsókn

Gúggla má í gríð og erg,
góða vegi feta;
eitthvað sem hann Zucker­berg
sjálfsagt kann að Meta.

Mark Zuckerberg á Akureyrarflugvelli

Borgarstjóri?

Framtíðin er bara Björt.
Borgina skal fanga.
Af því Dóra er ekki svört
ætti það að ganga.

Persónulegt og pólitískt spjall við Einar

Endur taldar í Garðabæ

Þegar ekki kemst inn réttur raftur,
ramminn gæti verið illa skaptur.
Í kjörkassanum liggur leyndur kraftur.
Lausnin er að telja bara aftur!

Endurtalið í Garðabæ á morgun