Bjarna burt

Eitthvað hefur átt sér stað.

Eðlilegt að þá sé spurt

einhvers, líkt og hvers er hvað

og hvað er þetta bjarnaburt?

Stjörnum prýdd mótmæli við Austurvöll

Náttúruljóð

Náttúran birtist í mörgum myndum;

margt er í henni að sjá.

Bæði annarra og sínum syndum

segir fólk núna frá.

Vilja karlar upp til hópa 45 kílóa konur?

Þjófnaðarlist

Allt of viða eru merkin
um það sem er bannað.
Í nafni listar virðast verkin
vera að éta hvort annað.

Lögreglan þarf að leita til járnsmiðs

Frestun

Það getur verið flókin för
að fá allt til að ríma.
Bankasýslan býr til svör
á býsna löngum tíma.

„Mjög dapurt“ að fresta þurfi fundi um bankasöluna

Gleðilegt sumar!

Andinn á ýmsu lumar.

Óðfluga léttast sporin.

Gott og gleðilegt sumar!

Gaman er oft á vorin.

 

 

Út í bláinn

 

Að vera á stuðlastíminu

stundum er býsna gaman;

ryðja út úr sér ríminu

og reyna að koma því saman!

 

Ekki er lát á yrkingum.

Enda fyrir vikið

hef ég stundum hugmynd um

að hafa ort of mikið!

 

Gaman væri að geta ort

um góðærið á Fróni.

Litlu börnin líða skort

og lífið allt í tjóni.

Sá konu í Kastljósi

 

Þung á brún sem þrumuský,

þótt á málum hnykki

sem leiki skúrkinn aðal í

eigin glæpastykki!

Stjórnarraunir

Arka skítinn upp í klof.
Af því bera þungann;
líklega var Lilju um of
laus í skolti tungan.

„Líklega hefur Lilja sagt of mikið“

Bankasalan ehf

Ég söluna sjálfur tel
svona í og með
í heildina hafa vel
heppnast, þannig séð.

Skotfimi

Borgarlínurnar beinar
borg segir Dagur í hag;
skýtur hann óðar á Einar,
sem aftur skýtur á Dag.

Dagur skýtur á Einar, sem skýtur til baka