Skýli

Gott er að eiga til þess tól
að taka á ýmsum krísum
og hafa öruggt skálkaskjól
í skattaparadísum.

Fjarstaddir umræður um aflandsfélagarannsókn

Í fjósinu

Frá því ég man fyrst eftir mér minnist ég þess að hafa af og til heyrt talað um að moka þyrfti framsóknarflórinn. Líklega er ekkert óeðlilegt við það; að minnsta kosti man ég ekki betur en þegar ég vann við að moka flórinn í fjósinu heima í gamla daga hafi þurft að gera það nokkrum sinnum á sólarhring hvern dag allan ársins hring.

Margir

Nú svara skal þjóðfélags þörfum
og þjóna fólki í lörfum.
Við úr hægindum hörfum
og höfum nú látið af störfum.

Kristján Örn lætur af störfum

Gullfiskar

Óþarfi virðist mér alla að gruna
þótt einhverjir hlaupi í var
og eigi svolítið meira en þeir muna
og minnast alls ekki hvar!

Minnisleysi og misskilningur

Hringiða fjármálamarkaða

Ekki er þetta illa meint.
Eflaust mætti sekta
þá sem ekki geta greint
gerfifé frá ekta.

Ekki um markaðsmisnotkun að ræða

Sögur af aflandi

Spurður er ég hvar og hví

og hvort að núna sé lag.

Mig hefur lengi langað í

lítið aflandsfélag.

Með dótturfélag á Jómfrúareyjum

Skipta. (um umræðuefni).

Af sumum er talinn með hófa og horn.
Heimfærður einnig til vætta.
Um fleira má yrkja en forseta vorn,
fyrst hann er ekkert að hætta!

Guðni Th.: Fyrsta sem ég sá var Ólafur Ragnar

Herhvöt

Á erfiðum óvissutímum
upphefjum gömlu tólin,
þulhnúum þau og límum
þjóðhöfðingjnn við stólinn.

Ólafur í hópi með einræðisherrum

Málið leyst

Yfir okkur vakir vættur.
Virðist allur skaði bættur.
Hér er okkar maður mættur,
mun ei vera nærri hættur!

Dorrit skipti um skoðun

Allt í lagi

Aflandsfélag okkar hvað?

Enginn virðist fatta,

allt í lagi er með það

ef við borgum skatta!

Bjarni birtir upplýsingar um skattskil