Sveitasæla

Hann bangaði saman bögu,
bóndinn ungi í Flögu,
um sælu í sveit
í sérhverjum reit,
en fór þó fljótt yfir sögu.

Námslimra

Nökkvi sér nýja skor valdi
á námsbrautinni hjá Þorvaldi.
Svo er að sjá,
sagði hann þá,
hvort prófi ég næ í vor, Valdi!

Flugufótur

Það er ekki flugufótur
fyrir því ég sé ljótur,
en kannski er það
kauðalegt að
ég kann ekki að lesa nótur.

Hann Kalli

Karl hennar Kollu á Akri,
kallaður oft hinn vakri,
skammlítið bjó.
Skilaði þó
skuldastöðunni lakri.

Hver er munurinn á Óla?

Allir þeir sem ætla að spá
eitthvað í lífsins skóla
gjarnan læra þurfa þá
að þekkja muninn á Óla.

Skálkaskjól

Hvergi á byggðu bóli
býr honum líkur Óli.
Ég veit að hann var
í veseni þar,
geymdur í skálkaskjóli.

Sennilega farið mannavillt

Páskalok

Virku dagarnir verða ekki flúnir,
venjurnar ná sér á strik.
Nú eru páskarnir bráðum búnir,
burt flognir líkt og ryk.

Föstudagurinn langi

Ég með sanni ekki vil
einn á krossi hanga.
Með frelsaranum finn ég til
á föstudaginn langa.

Páskar

Þá fyllist ég gleði og gáska
og galsa sem jaðrar við háska,
ef útvegar guð
allsherjar stuð
eitthvað fram yfir páska.