Efling

Menninguna mætti efla;
margt er slyðruorðið.
Það sem helst mun þurfa að hefla
það er yfirborðið.

Mikil þekking hverfur á braut hjá Eflingu

Afsakið

Ráðgert er að reyna að troða
Reykjanesbraut í stokk.
(Hér í rími hef að moða:
Helvítis ....... .... !)

Reykjanesbraut verði lögð í stokk

Hagsýni

Rekstur á göngum er bévítans basl.
Búinn er senn þessi vetur.
Við ætlum að geyma hér allskonar drasl
svo arðurinn nýtist betur.

Tekist á um dælubíl í Vaðlaheiðargöngum

Selenskí og Putin

Valdatrénu veifa röngu.
Veðurhorfur ýfast.
Herir beggja standa í ströngu;
strákarnur eru að rífast!

Selenskí íhugar kröfu Rússa um hlutleysi

Björgum eyðimörkinni

Svo megi eyðimörkinni
máttur einhver bjarga,
gerum út af örkinni
uppgjafa klausturvarga.

10 mínútur

Fyrir Kára virðist hafa vafist
að vera svona lengi og þurfa að bíða
vegna þess að tökur höfðu tafist.
Tíu mínútur, þær seinar eru að líða.

Kári kom, Kári fór

Vandræði (vanræði)

Einkalífið illa fór.
Ástæðan var skýr:
Hún var lítil, hann var stór.
Hér eru góð ráð dýr.

Eiginmaðurinn með of stóran getnaðarlim

96 °C

Hitinn senn við suðumark.
Sýnast þeir þess valdandi
er stefnulausir stunda hark
á stjórnartaumum haldandi.

Við suðumark í þingsal

Frá Sigurði til Putins

Harða sök á hendur þér
ég hafði í minni tölu
og til þín nú á ég hér
afsökun - til sölu!

Biðst afsökunar ef Rússar hætta árásum

Pukur

Foreldra mína ég fráleitt skil.
Þannig lít ég á það:
Bróður minn þau bjuggu til,
en bönnuðu mér að sjá það!

Vildi fylgjast með getnaði litla systkinis síns