Hopp og hí

Engar skutlur alveg stopp,
ættu að vera reglur.
Þannig eru þær hjá Hopp;
þetta eru neglur!

Allar rafskúturnar negldar

Kjósa D fyrir Dag!

Einkavinum efnahagsins
ekki varð um sel.
Ljóst mun vera að lína Dagsins
líkar þeim tæpast vel.

Borgarlína Dags ekki á dagskrá Sjálfstæðisflokks

Heillaráð

Suma tefja svörtust él.
Sumir lenda í ófærð.
Fyrir marga virkar vel
að vita sína skóstærð.

Reykjanesbrautin opin á ný en þungt færi

Fjallið toppað

Mennirnir hafa á mörgu ást.
Margvíslegt er þá brallið.
Hallgrímur þessi sjálfur sást
setja toppinn á fjallið.

Hallgrímur toppaði hæsta eldfjall heims

Stjórnvöld í Rússlandi

Rússa má ætla óða.
Álitið bíður hnekki.
Samfélag siðaðra þjóða
sjá þeir að henti ekki.

Rússar undirbúa útgöngu úr Evrópuráðinu

Hugleiðing

Banabitinn sykursætur,
súr en ætur.
"Heyrið hvernig liðið lætur"
Lilja grætur.

Hiti á Alþingi: „Heyriði hvernig liðið lætur?“

Úrslit

Dáðar voru dæturnar.
En dásemd heimasæturnar,
sem höfðu með sér heppnina
og hafa unnið keppnina!

Sigur Siggu, Betu og Elínar afgerandi

Larsa Pippen

Ungar konur líkt og Larsa
langar að fara í bað
með bólgnar varir, bústna rassa
og brjóstin á sínum stað.

Rassinn varð til í ræktinni

(Nema 710kr.)

Rómað er lottó. Í rauninni þó

rangindum hefur mig beitt:

Milljónavinningur suður með sjó.

Samt fékk ég ekki neitt.

Milljónavinningar suður með sjó

Að gera hreint fyrir sínum dyrum

Garðastræti grisja varð
og gera ásýnd hreina.
En kenna svo við Kænugarð,
kæmi það til greina?

Heiti Garðastrætis verði breytt í Kænugarðsstræti