Með lögum skal land...

Á líkan hátt og Lilja
lög má alltaf skilja.
Auðvelt þau að þylja
gegn þekktum brotavilja.

 

She too

Páley er að pæla í
að púlla eins og Lilja.
Landsréttur að lögum því
lúti hennar vilja.

Óheimilt að veita blaðamanni réttarstöðu grunaðs

Hún hefur aldrei á mig yrt í gegnum allt þetta ferli“

Næstum einskis var ég virt.

Virðing glata minni.

Lilja hefur á mig yrt

aldrei nokkru sinni.

 

2,3 milljóna sátt í máli um skipun ráðuneytisstjóra

Svo missir hann af Eurovision!

Peyja þennan,Pútin,ekki þekki,
sem prófar sig í Úkraínurallinu.
En vissulega virðist hann nú ekki
vinsælasti strákurinn á ballinu.

Rússar ekki í Eurovision

Hættið þessum látum

Hví býr ekki hver að sínu,

Hvað eru menn að spá?

Þróun mála í Úkraínu

er ekki gott að sjá.

Hvað gerðist í nótt?

Uppseld hjá forlaginu

Ef einhverjir menn vilja meira,

mun einhver verða ínáanleg

þegar hin vinsæla veira

verður ei lengur fáanleg?

Faraldurinn fljótari upp en niður

Búinn

Eitthvað hefur átt sér stað.
Alltaf slíkt má lofa.
Fyrst við höfum fengið það
fer ég bara að sofa.

Hvers vegna verða karlmenn syfjaðir strax eftir samfarir?

Tilkynning frá Seðlabankastjóra

Þetta er tilvalinn texti

til þess að losna við pex:

Hækkum nú veglega vexti,

fyrst verðbólgan dafnar og vex.

Hækka stýrivexti um 0,75 prósentur

https://www.frettabladid.is/.../verslunin-a4-innkallar-kuk/

Er ljóst var að stássið það stæðist ei brúk,

að stoppa var einasta vitið.

En erfitt er sjálfsagt að innkalla kúk

eftir að honum er skitið.

 

Verbúðin

Umtal vekur eftirtekt.
Aðalmálið þekki:
Hvort að það sé nóg af nekt,
Nú, eða kannski ekki!

Kynfæri, kynlíf og fyllerí í Verbúðinni