Blinda augað

Ræningjar og ríkir menn
af ruslahaugum
bágu kjörin berja enn
blindum augum.

Verkakonur í verkfall 8. mars

Sorfið til stáls

Við erum að vígbúast
vopnum sönnum.
Bráðum verður bitið fast
beittum tönnum.

Munu bíta fast þar sem þarf að bíta

Sýnt á spilin

Mjög voru útspilin merk öll
og mikilfengleg að sjá.
Virðist þó stefna í verkföll.
Vandi er oss höndum á.

Tillögurnar kynntar síðar í dag

status quo

Þótt sýsli nú sé uppi´á landi,
að sönnu mun ekkert breytt.
Af skapast enginn vandi,
umbreytist varla neitt.

Þakkaði Karli Gauta góða yfirferð

Kannski ekki

Kaupið manna kom til tals.
Katrín sagði í raun:
Fjórar millur eru alls
ekki hófleg laun.

„4 milljóna króna laun eru ekki hófleg“

Vantaði i

Inga við boði bjóst,
hvers braut hafði illa sóst,
enda var alveg ljóst
að ekki fékk konan póst.

„Boðið er búið og mér var ekki boðið“

Hvað var rætt?

Alltaf heillar okkur mest
ykkar sterki verndarkraftur.
Það væri kannski bara best
að blessaður herinn kæmi aftur!

Mikil öryggisgæsla vegna Pompeo

Heppni

Eitthvað gott virtist við hann.
Því virkaði að ég tel
að knúsa og kyssa miðann.
Það kemur sér oftast vel!

Vinningshafinn kyssti miðann

Afkeyrðir bílar

Betri eru keldur en krókar.

Kannski var eitthvað slíkt,

sem þeir voru að prufa hjá Procar!

Plottið var engu líkt!

Funda í dag vegna Procar

82%

Loforð þarf ávallt að efna.
Allir sig girði í brók.
Hagkvæm starfskjarastefna
stendur sem tala á bók.

Kjörin „í samræmi við starfskjarastefnu“