Umræðuhefð

Mjög stendur föstum fótum
fjölmiðlaumræða sú
sem er á neikvæðum nótum
og nærir vilhallra trú.

Umræðan í þjóðfélaginu

Út á níð og illan róg
allmargt hefur gengið
Eiginlega alveg nóg
af því hef ég fengið.

Ef ég væri ríkur...

Þrengir sér að mér þanki.
Þessi er hugsun stíf:
Bara að ég væri banki
þá biði mín annað líf.

Hagnaðist um 36,5 milljarða á síðasta ári

Gestrisni

Vart er að góðsemi og gestristni spurt
gagnvart erlendum vinum.
Ráðið er einfalt: Reka þá burt
og rýma til fyrir hinum.

Verða fluttir úr landi í nótt

Adam í snörunni

Evu svikult enn er geð,
ekki er von að batni,
fyrst hún Adam freistar með
flösku af kranavatni.

Kranavatnið hjá Adam í góðu lagi

Samstarf

Í tilefni þessarar fréttar gerði ég í samstarfi við Æra Tobba
eftirfarandi vísu!

Þambara vambara þeysingsdílar
því eru hér svo margir bílar?
Agara gagara yndisgrænum,
illt er að hafa þá marga í bænum.

Bílamergðin við þolmörkin

Ófærð

Ef reynir á minnið þá réttvísin spyr
og ráðdeildir tæplega varðar,
er lausnin að stíga út um lokaðar dyr
og láta sig falla til jarðar.

Eða voru þær kannski opnar??

Dyrnar áttu að vera lokaðar

Ekki er sopið kálið

Í ausuna kemur ekkert kál.
Er það ljóti gallinn.
Allir benda á Árna Pál,
aumingja kallinn.

Landsfundur óraunhæfur á þessu ári

Hættur í umferðinni

Virðist pottur víða brotinn enn.
Verður mönnum efni í góðar stökur
spurningin hvort myndatökumenn
megi aka gámabíl við tökur!

Þriðjungur bílstjóra vafrar á netinu

Veðrið

Byggt á sjálfstæðum veðurathugunum mínum á Reykjanesskaganum:

Nú er kári nokkuð hress;
næðir tvist og bast.
Vindur blæs og vegna þess
virðist svona hvasst.

Stormurinn á leið yfir Ísland