Ekki gott.

Flest er í skjólin fokið.
Flórinn í snarheitum mokið!
Óboðlegt er
ástandið hér.
Okkur er öllum lokið.

Enn fjórir

Ekki að hafa hátt.
Höldum öllu í sátt.
Fyrir N4
fáum við stóra
vinningin vonandi brátt.

Styrkjum til fjölmiðla komið í góðan farveg

Þetta er frétt:

Margir þrefa á þingi.
Þusið oft snertir oss.
Sumir hugsa í hringi.
Hinir tala í kross.

„Nema þú skilgreinir fyrir mig hvað er frétt“

Næturvísa

Eitthvað svona um óttubil

enn mun skorða korðann,

nái ég að nóttu til

að nýta orðaforðann.

 

Jólabónus

Jólavanda þennan þekki.
Þingmenn hafa rætt hann.
Gamla fólkið fær víst ekki
fjárhagsgrundvöll bættan.

Heiðarleiki

Eitt er á hreinu, alveg ljóst;
útskýrir vel hún Diljá
það sem hún hefur þegar lært.
Þetta ég alveg skil,já

Ort út í bláinn

Tildurrófan leynt og ljóst

lagfæringum skartar:

Þrútnar varir, boltabrjóst

og brúnir ofursvartar.

 

Sanngjarnt

Hér er unnið laust við linnu,
líklegt frekar tel
að fyrir þetta þétta vinnu
þurfi að borga vel!

Búið að skipuleggja þétta vinnu í allan dag

Margháttuð

Klikkaði alveg á einu
- oftast með flest á hreinu -
Margháttuð mær
mundi í gær
hreint ekki neitt eftir neinu.

Er það ekki?

Hvort sem að stag eða staut er vort fag,
stundum vill naga oss kvíði.
En ein vísa á dag kemur öllu í lag
ef hún er haganleg smíði.