Yfirtaka

Allt er nú með breyttum brag,
berin ný á lyngi.
Gleðilegan gelludag,
gaman er á þingi!

Ungar konur taka yfir þingið í dag

Í sjónvarpi

Nú verður hjá okkur stiklað á stóru
í stöðugri menningarseyrunni:
Á margskonar viðburði fjölmargir fóru
og fengu sér skammta af veirunni.

Ójöfnuður

Sumir telja heimskra hjal

hampa kerfi slíku:

Fátæklingum fórna skal

fyrir hina ríku.

Jól

Hér er víða heims um ból

haldið upp á jólin.

Álfarnir sér öruggt skjól

eiga á bak við hólinn.

Ríkisstjórnarfundur (birt án ábyrgðar)

Á ríkisstjórnarfundi friður
fékkst um ráðin sóttvarnar.
Boltakarlinn barði niður
Bjarna,Jón og stelpurnar.

 

Sóttvarnaaðgerðir verða hertar

Já, einmitt

Að fylgi smitið flokkslínum
furðulegt má kalla.
Varla er það til vitnis um
að veiran sé fyrir alla!

Allur þingflokkur Viðreisnar smitaður

Negla

Mun þá fólk sem kemur akandi á nagladekkjum yfir svelli lagðar heiðar þurfa að leggja bílnum við borgarmörkin og ganga á leiðarenda?

Naglana burt og starfsfólk í nám

Vissan er best

Helst skal óvissu eyða,
alltaf er hvimleið slík.
Eyþór langar að leiða
listann í Reykjavík.

Eyþór vill skýrt umboð í prófkjöri

Hreinn hættur

Í starfinu Hreinn er hættur.
Honum féll Jón ekki í geð.
En skaðinn er býst ég við bættur,
ef Brynjar er ennþá með.

Hreinn hættur við að aðstoða Jón

Af alþingi

Nú er það sagt að í sögum
segi af fátækra högum.
Lýsing er ljót.
Leið fyrir bót
finnst ekki í fjáraukalögum.

Sveik loforð við Ingu í jómfrúarræðunni