Ný stjórn

Muna eitt þú maður skalt,
þótt mjög við loforð glingrum,
framkvæmt getum ekki allt
eins og að smella fingrum.

Ætla að efla stöðu brotaþola í kerfinu

Flokksráð VG á leik

"Ég er bjartsýn og brött!"
Býst við hverju sem er.
Aksjón ellegar kött;
óljóst hvernig það fer.

„Ég er bjartsýn og brött“

Guð blessi

Ef eitthvað gerist í málunum meir
svo myndist í hagkerfi bruni,
við segjum í huganum guð blessi Geir 
og gínum við næsta hruni.

Ríkið sýknað í landsdómsmáli

Skrafað um skrefið

Kata er ekki skyni skroppin.
Skrefið djarft var er hún tók.
Ef að stjórnin kemst á koppinn,
kannski verður barn í brók!

„Þetta hefur gengið ágætlega“

Brot

Ég ákæri, sagði Selma 
og síðar bættist við Telma.
Það sögðu þær;
við þoldum í gær
áreiti einhverra skelma.

Viðbúnaður

Starfshópur Almannavarna er vökull;
viðbragðsáætlun tilbúin er.
Ekki er vitað hvað Öræfajökull
ætlar að gera og hvernig það fer.

Gerð rýmingaráætlana í Öræfum flýtt

Hræringar

Margt hefur vinstrið að varast.
Við það hægrið nú skarast.
Samt halda menn ró
í hafróti þó
að himinn og jörð séu að farast.

Telja himin og jörð ekki að farast

Áfram Katrín!

Gengið er heldur að hrapa!
Hún er þó enn að streða,
en kemur til með að tapa
talsverðum fjölda peða.

Aðeins 60% myndu kjósa VG aftur í dag

Dagur íslenskrar tungu

Títt er mér hugsað um tungunnar hag;
tæpast get áhyggjum leynt.
Málvernd við þurfum að móta í dag!
Á morgun það verður of seint.

65 fengu Íslenskuverðlaun unga fólksins

Að sjálfsögðu

Þau eru iðin og þau eru klók,
þau eru ýmislegt fleira
og auðvitað standa sem stafur á bók
stóru loforðin þeirra.

Sigurður Ingi: „Klókt útspil“