Willum Þór

Willum þór með vandfýsi
vel er búinn nesti:
Síma má í Svandísi
sjái hann heilsubresti.

Svandís segir Willum alltaf geta „hringt í vin“

Guðlaugur Þór

Guðlaugur glögglega skynjar
að gott er í málum að atast
og ófáar menningarminjar
mega hreint ekki glatast.

Menningarminjar fara til Guðlaugs

Áslaug Arna

Víst þú mátt í vísindanna strauma
vilja þínum lauma.
Í hjarta þínu hugmyndirnar krauma.
Hafðu góða drauma.

Áslaug: „Draumaráðuneyti fyrir flesta“

Guðmundur Ingi

Vongóður ég vísa til
vinstri stefnu þinnar:
Að þú gerir einhver skil
öldrun þjóðarinnar.

Ætlar að bæta kjör og stöðu aldraðra og öryrkja

Ný og betri (?) ríkisstjórn

Nýja ríkisstjórnin þarf líklega að fá einn svartan bíl í viðbót. Rafknúinn að sjálfsögðu - eða hvað?

Nýtt ríkisráð fundar

Fuglagreyin vita sínu viti

 

Tilfinningu þá ég þekki;

það er hvorki né.

Varpfuglarnir vilja ekki

vera í ESB.

Guð blessi umhverfið

Breyting völdum verður á.
Við sig sjallar bættu.
Þetta líst mér illa á:
Umhverfið í hættu!

Framsókn stýri heilbrigðisráðuneytinu

Tækifærisvísa

Ráðsettur karlhlunkur reikaði á bar.

Reyndust þar brautirnar hálar.

Aumingja maðurinn einungis var

alsaklaus dreginn á tálar!

Er nauðsynlegt að brjóta þau?

Til að ekki stefni í strand

stöðug efnishyggja

þá skal hér með lögum land

líklega ekki byggja.

Að samþykkja sjálfan sig

Ég þarf ekki að rífast við Pétur og Pál.
Það plumar sig minn eigin flokkur.
Þegar við kjósum um þess háttar mál:
Það er í lagi með okkur.

Kjörbréf allra þingmanna staðfest