Rúlluterta?

Í mótið er komin hin margrædda kaka,
sem minnst er í flestra bænum.
Svo þegar við erum búin að baka
bjóða þarf Vinstri grænum.

Ræddu við aðila vinnumarkaðarins í dag

Skamm skamm

Þeir sem á karlinum klekkja
og kannski vilja hann svekkja,
boðorðið þyrftu að þekkja:
Það er sko ljótt að hrekkja!

Allir slakir bara

Það sjást mun betur og betur
hvað blessunin litla getur.
Við bíðum og sjáum hvað setur,
hvað setjandi er á vetur.

Létt yfir formönnum á fyrsta degi

Leikur að reyk og loga

Flokkar þrír í ljúfum leik
Loga gerir smeykan,
en vonandi að hann vaði reyk
varðandi stöðugleikann.

Þeirra hugmyndir greinilega nær mínum

Tilvonandi forsætisráðherra:

(Endurtekin bloggfærsla vegna villu í fyrri útgáfu.)

Mér er frjálst að fara af stað,
en ferlið verður snúið.
Látið mig sko þekkja það;
þetta er ekki búið!

Stjórnarmyndun

Dálítið villta vinstra pakk,
við ykkur segi ég: Takk takk takk.
Sigurður Ingi, áfram gakk;
útbúum handa Bjarna snakk!

Atkvæðin komu Katrínu ekki á óvart

Ullen dullen doff

Af fundinum langa það fréttist ei neitt.
Fáu mun hægt að lofa.
Átökin magnast og þau eru þreytt
og þurfa að fara að sofa.

Fundi slitið hjá VG – „Þetta stendur í þeim“

Áhyggjur

Góðan tíma ég gaf þessu.
Gott það er komið af stað,
en hef nú áhyggjur af þessu,
ég verð að segja það.

Líklega látið reyna á stjórnarmyndun

Memm?

Vonandi ekki bara málamyndamiðjumálamiðlanir!

Þingflokkur VG fundar í dag

Án titils

Að tunglið sé úr tómum osti
talað hefur verið um.
Varla er á verri kosti
völ en sést í kortunum.

„Þetta hefur bara gengið vel“