Kjarabætur

"Kjararáð hefur úrskurðað um 9,3 prósenta launahækkun til þeirra sem heyra undir kjararáð. Hækkunin er afturvirk til 1. mars síðastliðinn. Þessi hækkun þýðir að grunnlaun ráðherra hækka um 107 þúsund krónur og verða 1.257 þúsund krónur eftir hækkunina en grunnlaun forsætisráðherra hækka um 118 þúsund krónur og verða tæplega 1.400 þúsund krónur."

Nú ánægju mína ég illa hem.
En hvað það kætir mitt geð
að þetta fari til þeirra sem
þurfa þess auðvitað með!

Launahækkun kjararáðsúrskurðarþega

Nú ánægju mína ég illa hem.
En hvað það kætir mitt geð
að þetta fari til þeirra sem
þurfa þess auðvitað með!

Flétta

Skyldi ei mega sköpum renna?
Skaða valda gagnkvæm brigsl.
Títt á milli karla og kvenna
klögumálin ganga á víxl.

Önnur konan kærð fyrir kynferðisbrot

Degi hallar

Þótt gamlingjar elski þau ungu
olli það hugangri þungu
hve hjáróma sum þeirra sungu
á síðdegi íslenskrar tungu.

Vill örva lestur í leikskólum

Húrra, húrra - eða þannig

Fréttin er kærkomin. Málið er merkt.
Mæra skal peningatorgið.
Fjármálakerfið er stöndugt og sterkt
og stöðugleikanum borgið.

Samþykktu stöðugleikaskilyrðin

Vísnagerðin

Að setja vísu saman
og sjóða orðagraut
getur verið gaman
en gjarnan nokkurt staut.

Þjónusta

Ríkið fær þá ramman skell.
Raska mun þess gróða
ef dánumenn hjá DHL
drykkinn þyrstum bjóða.

Notfæra sér DHL í stað ÁTVR

Þvertaka

Nú set ég niður á blað
nokkuð sem átti sér stað.
Þótt ákveðin frétt
sé efalaust rétt
þvertek ég fyrir það.

Rappapp

Senn verður útgefið sérbúið app,
er seinkaði vegna bilunar.
Það verður fært um að framleiða rapp
fullbúið alveg til spilunar.

Bara gleði

Fiðlungur á stokkinn sté,
stoltur lék við hvern sinn fingur.
Glaður úti í móa mé
margur frakkur útlendingur.