Veðrið II

Þeir sem eiga tæki og tól

til að vinna á sköflum

gætu alveg byggt sér ból

til búsetu að Köflum.

Veðrið

Þótt norðanáttin næði um hlað
og nepjan valdi kvíða,
veðrið heima á Stökustað
er stafalogn og blíða!

 

Straumsvík II

Þótt álver skarti fínni frú,
sem fara vill að lögum,
Rio Tinto reynir nú
að ráða það af dögum.

Frá Straumsvík

Það er nú til þrautar reynt
og þykir mörgum leitt;
verkafólkið segist seint
semja um ekki neitt.

Enginn nýr boðskapur frá Rio Tinto

Án titils

Hlustandi á ræðu rýnanna
um raunniðurstöður sýnanna
hann von við það batt
það væri ekki satt
sem virtist á milli línanna.

Torræðni

Hann kom um vetur í Víkina.
Varkár settist á bríkina.
Og næsta haust
upp hóf hann raust:
- undarlegt þetta með tíkina!

Verslun og viðskipti

Það fer af því fáum sögum
hvort frumvarp að áfengislögum
verði slík vá
sem velflestir spá
og sé kannski samið af Högum.

Þingmaðurinn gefi sig fram

Varúð! Bankabrall!

Uppábúinn enn ég sé
ótrúlegan speking:
- Mamma, ég þarf meira fé
með mér út til Peking!

Bjarni segir heimild víst liggja fyrir

Brjálaður bjór

Er virðist í lífinu vegurinn mjór
og vandasamt ferlið í eigin gjörðum,
gott er að fá sér brjálaðan bjór
bættan með geggjuðum lambaspörðum.

Nýr lífsstíll

Það er þetta með vegan - mér skilst að markmiðið sé ekkert úr dýraríkinu, hvorki til fæðis né klæðis.

Kjarni þess matar er kannski rýr.
Ég kosti hans illa þekki.
Skyldi ekki vegan vera dýr?
Veit það hreinlega ekki.