Brennandi spurning

Íslensk stjórnvöld strax í dag,

að staðreyndunum gefnum,

mögulega hefðu hag

af hugvíkkandi efnum.

Segir rugl að spítalinn sé ekki vanfjármagnaður

Vísnaframleiðsla

Fyrir að yrkja fyrir rest
fá mun ég launin hreppa.Því
væri kannski bara best
að breyta til og sleppa því!

Abbababb

Vissulega er vísnagerð mitt fag.

Vart því skilur nokkur maður í.

Annars birtist engin hér í dag.

Allt í einu tek ég eftir því!

Lögfræði

Vinir mínir voru um sinn
vörslusviptir.
Málaflutningsmaðurinn
máli skiptir.

Veðurvísa

Staðviðri er stundum tregt.

Stefnir oft að fári.

Þó er veðrið þolanlegt

það sem af er ári.

Áramót

Verði okkur fjarri fár.
Fjöldinn hvergi smáður.
Nú er komið nýrra ár
en nokkurn tíma áður.