Þá er það komið

Fyrripartur; fjandi er hann góður.
Fyrir það þökkum við drottni.
Upp af honum vex andlegur gróður,
sem endar með fullkomnum botni.

Fyrirspurn

Til að gleðja - lundu létta

lægri bæði og hærri stétta

vil ég gera vísu hressa.

Var ég búinn að yrkja þessa?

Í ausuna komið

Hversu Gísli Viktor vel
varði, það er málið.
Sannarlega svo ég tel.
Sopið verður kálið!

 

Risasigur Íslands og sæti í milliriðli tryggt

Umslög

Solveig Anna. Hérna hún
hefur frá sér bitið.
Aldrei mun hún umslög brún
augum hafa litið.

Sökuð um að þiggja brún umslög frá SA

Einmitt

Andann þótt mig ekki skorti;

ég yrki um flest,

vísan sem ég aldrei orti

er alltaf best.

Engin vísa

Þó að ég sé nú í faginu fær

og fjarri að missa á mér trúna,

of margar vísur ég gerði í gær

og get því ekki ort neitt núna!

Ein enn!

Vísa hérna enn skal ort,

engu tel það spilli;

lágstemmd fremur, laus við gort,

en löguð til af snilli.

Leitið og þér munuð finna

Færa leið um fjallið grýtt

þið finnið ef þið leitið,

eins og ég fann endurnýtt

áramótaheitið!

Utsýnið frá Sjálfshólshlaði

Vísurnar mínar í verndarflokk
veljast ættu flestar,
enda virðast þær, augljóst nokk,
allra vísna bestar!

Sigurður Ingi:

 

Ekki vil ég langa lest
leggja á Miðnesheiðina.
Ætli það sé ekki bara best
að breikka fjárans leiðina!