Bjarni Benediktsson fjármálaráðherra segir:

Einmitt núna skal leita lags,
landsmanna breyta högunum;
Nú skal aflétta öllu strax
af því það stendur í lögunum!

Hvað segir ríkisstjórnin um afléttingar?

Bræðingur

Lávarður lá í jötu,

leit upp á föður sinn;

frelsari vor í fötu

fékk hrygg og gæruskinn.

 

Útsala

Úr því hérna fæst allt falt
af flestu tagi,
seljum bara Ísland allt
í einu lagi!

Universal kaupir Öldu Music

Afsóttarvæðing

Diljá alveg drulluköld
djörf í málið spáði:
Alþing fái aukin völd
og allri veiru ráði.

Vill að þingmenn fái völd þríeykisins

Í þágu jafnréttis

Sett er allt í sama hólf.
Síðan fjöldi talinn:
Karlmenn tveir og konur tólf.
Karlmaður því valinn.

Fjórtán sóttu um starf skrifstofustjóra

Opnir skólar

Stjórnvöld hafa víxlað vopnum
svo vaxi þeirra bit:
Halda stöðum öllum opnum
sem á eru flestöll smit.

Kennarasambandið gagnrýnir jafnréttissýn Katrínar

Sóttvarnir

Þurfi menn að varast slæma vá
vinsamlegast á það nú ég bendi;
girða fyrir hættu þarf helst þá
þar sem hún er ekki fyrir hendi!

Hertar aðgerðir „millivegur sóttvarnalæknis“

Rafíþróttir

Inn á síðu eru hér
orðsendingar ljótar.
valdir að því virðast mér
vondir tölvuþrjótar.

Ásatandið er orðið ljótt.
Að þér gæti verið sótt
og þér verður ekki rótt
ef þú stundar rafíþrótt.

Dularfull skilaboð á heimasíðu RÍSÍ

Líta til Helguvíkur

Hafa vilja Helguvíkur
helgu vé.
Pælið í ef pöpul svíkur
PCC!

PCC skoðar kaup á kísilverksmiðjunni í Helguvík

Langvarandi eftirspurn fyrirsjáanleika

Sóttvarnarlög má lina
svo leggist veiran á hina.
Lýð allan þá
langar að sjá
langtímaáætlunina.

Biðröð minnir á ógnarlangan orm