Fyrir um og eftir kosningar

Ekki í fyrsta sinn sem rímið gerist nokkuð ráðríkt.
Mér datt bara alveg óvart í hug að Arna rímar við Bjarna.
Var þá ekki að sökum að spyrja:

Fögur er Áslaug Arna.
Allt það sem ber á góma
rímar sem best við Bjarna;
bæði þau fagurt ljóma.
Rulluna þylja þarna
með þverpoka sína tóma.


Báru sér við hægri hlið
hefðarmerki tigið,
þar í bundu vitið við
svo væri ekki í það stigið.


Nú má fara í flöskustút.
Flestir við sig bæta,
nema þeir sem þurrkast út
og þurfa ekki að mæta.


Sumir vinna. Sumir tapa.
Sumra gengi er að hrapa.
Einhverjir af undrun gapa.
Aðrir huggun reyna að snapa.


Birtir yfir landsins lýð
að loknu mesta atinu.
Bráðum kemur betri tíð
með blóm í hnappagatinu.


Hér þeir eflaust hefja spil
sem hafa réttan kóða;
brátt mun Guðni bjóða til
boltaleiksins góða.


Stundum eitthvað styttast bilin.
Stundum fer þó allt í lás.
Nú er þörf að spá í spilin;
Spurning hver á hvaða bás.

 

 


Söngur dýralæknisins í Hálsaskógi

Bændur horfa til beggja átta,
byr mun ráða för,
langar þá að leita sátta
með loforðum á vör.
Með íhaldið á aðra hönd,
og alþýðu á hina
er freistandi að binda bönd
og brúa á milli vina.


mbl.is Sigurður vill líka fá umboðið
Tilkynna um óviðeigandi tengingu við frétt

Afsakið

Ef ég á það minnast má,
máli þessu hreyfi;
ef hann vildi - átti hann þá
ekki að spyrja um leyfi?


mbl.is „Algjört fyrsta skref“
Tilkynna um óviðeigandi tengingu við frétt

Úr pokahorninu

Árangurinn sérhver sér.
Þótt sumir hafi mikið reynt; 
Gamalt mjöl sem óhreint er
erfitt mun að gera hreint.


Forsætisráðherra (ennþá)

Það sem fyrrum gat hann gjört
gildir ekki lengur.
Framtíðin er býsna björt
því Bjarni er góður drengur.

mbl.is Afar óheppileg tímasetning lögbanns
Tilkynna um óviðeigandi tengingu við frétt

Stanz - aðalbraut - stop

Einhverjir, orðið heitt í hamsi,
hnykluðu reiðir vöðva:
Þeir eiga að hætta þessu gramsi,
þetta verður að stöðva!


mbl.is Múlbindur Reykjavík Media og Stundina
Tilkynna um óviðeigandi tengingu við frétt

Allt að verða vitlaust

Ekki er nú stjórnmálaástandið gott.
Einhverjum fer víst að blöskra.
Sem leiðtogi í viðreisn fer Bensi á brott
og Bjarni er farinn að öskra!


mbl.is Þorgerður Katrín nýr formaður
Tilkynna um óviðeigandi tengingu við frétt

Bless

Burtu er Benedikt farinn,
blár en þó ekki marinn.
Skyldi þá ekki skarinn
skunda á Viðreisnarbarinn?


mbl.is Biðst afsökunar á „klaufalegum ummælum“
Tilkynna um óviðeigandi tengingu við frétt

Kakan

Kostulegu kremi makar,
kann á því nokkur skil.
Sína köku sérhver bakar
sem hann er langur til.

Greyið sem reynir að grípa til varna
grætur sinn fyrri mátt.
Það má víst segja að barátta Bjarna
birtist á ýmsan hátt.


Pólitík

Grípum til gamla hólksins,
gerum mótherjum skil.
Þakka má Flokki fólksins
fyrir að vera til.


Næsta síða »

Um bloggið

Skruddublogg

Höfundur

Hallmundur Kristinsson
Hallmundur Kristinsson

Hagyrðingur og hundraðþjalasmiður

Heimsóknir

Flettingar

  • Í dag (28.3.): 0
  • Sl. sólarhring: 1
  • Sl. viku: 58
  • Frá upphafi: 0

Annað

  • Innlit í dag: 0
  • Innlit sl. viku: 13
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Okt. 2017
S M Þ M F F L
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Myndaalbúm

Nýjustu myndir

  • Bjarni
  • strjálir
  • tásur
  • Leyfið
  • 20170922 164501[1]

Innskráning

Ath. Vinsamlegast kveikið á Javascript til að hefja innskráningu.

Hafðu samband