Það kemur í ljós

Hvort sett það verður á vetur,
vesalings Simmatetur;
við bíðum og sjáum hvað setur;
hvort Sigurður hafi betur.

„Aldrei, aldrei, aldrei“

Ó

Eflaust með tímanum sannleikann sér;
að silfur er betra en pjátur,
Sigmundur Davíð, sem auðvitað er
ekkert hrópandi kátur.

Sigmundur „ekkert hrópandi kátur“

Greinargerð með frumvarpi:

Landvernd í ofvæni leitar því að
hvort leikinn sé hægt að skakka,
en þegar verkefnin Þeyst hafa af stað
þá er erfitt að Bakka.

Milljónatap á dag og vetur í vændum

13

Mér sýnist strætisvagninn rangstæður.

 

Strætó og fólksbíll lentu saman

VIGDÍS

Númerslausa nú má sjá
nefnda skýrslu liggja.
Einkanúmer ætti að fá
eftirá að hyggja.

Skýrsla Vigdísar án númers

Skýring?

Ei var í bóli bráður,
en beið þess að verða fjáður.
Fullkomin vörn!
Þá flest okkar börn
fæðast sjaldnar en áður.

Fæðingartíðnin í sögulegu lágmarki

Nei takk

Fólk á stjórnarfundi sat
að fjalla um hungurvarnir:
Borða ekki barnamat
borgarfulltrúarnir.

Skólamaturinn ekki í Ráðhúsið

Skýrslan er ekki skýrsla

Lygaþvæla leiðist mér.
Lítið um þó hirði
skýrslugerð sem ekki er
einnar krónu virði.

Ekki skýrsla í skilningi þingskapa

SDG

Hásæti B-listans heldur víst enn;

hollustu fagnar með sann

nú þegar forhertir framsóknarmenn

fylkja sér allir um hann.

„Þetta veitir manni kraft“

Blómaskreytingar

Um dæmafáar skýrslugerðir skal nú rætt;

skitið í og óskapast og í sig tætt.

Farið upp úr förunum

í fráleitustu svörunum.

Lengi getur Vigdís á sig blómum bætt.

Skýrslan ekki rannsóknarskýrsla